«Qazgıdromet» RMK sınoptıkteri 29 naýryzda Astanada, Shymkentte jáne birneshe óńirde tuman jáne naızaǵaı bolatynyn boljady, dep habarlaıdy Egemen.kz.
Aqmola oblysynyń soltústiginde, batysynda, shyǵysynda túnde jáne tańerteń kóktaıǵaq, tuman bolady. Ońtústik-batystan soǵatyn jel soltústik-shyǵysqa aýysady, kúndiz oblystyń soltústiginde, batysynda ekpini 15-20 m/s-qa jetedi.
Aqtóbe oblysynyń soltústiginde tuman. Soltústik-shyǵystan, soltústikten jel soǵady, kúndiz oblystyń soltústiginde ekpini - 15-20 m/s.Astanada túnde jáne tańerteń tuman túsedi.
Batys Qazaqstan oblysynyń soltústiginde, batysynda túnde jáne tańerteń tuman bolady. Jel soltústik-shyǵystan soǵady, kúndiz oblystyń shyǵysynda ekpini - 15-20 m/s.
Túrkistan oblysynyń ońtústiginde, batysynda, taýly jáne taý bókterli aýdandarynda naızaǵaı oınaıdy, ońtústik-shyǵystan ońtústik-batysqa aýysatyn jel soǵady, kúshi - 15-20 m/s.
Shymkentte de 29 naýryzda kúndiz naızaǵaı oınaıdy. Ońtústik-shyǵystan ońtústik-batysqa aýysatyn jel soǵady, kúndiz ekpini 15-20 m/s-qa jetedi.
Pavlodar oblysynyń soltústiginde ońtústik-batystan soǵatyn jel soltústik-batysqa aýysady, ekpini - 15-20 m/s.
Qostanaı oblysynyń batysynda, soltústiginde jaýyn-shashyn (jańbyr, qar) bolady. Túnde jáne tańerteń oblystyń soltústiginde, shyǵysynda tuman bolady. Ońtústik-batystan soǵatyn jel soltústikke aýysady, kúndiz oblystyń batysynda, soltústiginde ekpini 15-20 m/s-qa jetedi.