Fýtbolshylardyń esep-qısabyn júrgizetin áıgili transfermarkt ınternet basylymy jýyrda álemniń eń qymbat fýtbolshylarynan jasaqtalǵan dúnıe júziniń shartty quramasynyń tizimin jarııalady.
Eń qymbat fýtbolshylar tiziminde Fransııa ulttyq quramasy men PSJ klýbynyń shabýylshysy Kılıan Mbappe 180 mln eýromen kósh bastap tur. Al shartty quramnyń jalpy quny 1,17 mlrd eýroǵa baǵalanǵan.
Qaqpashylar arasynda álemniń eń qymbat fýtbolshysy dep Belgııa quramasy men Madrıdtiń «Real» klýbynyń oıynshysy Tıbo Kýrtýa tanyldy. Qazirgi tańda onyń transferdegi narqy 60 mln eýroǵa baǵalanyp otyr. Qorǵaýshylar úshtiginde horvatııalyq Ioshko Gvardıol («RB Leıpsıg») men Rýben Dıash («Manchester Sıtı») 75 mln eýromen úzdikter qataryna jaıǵasqan. Sondaı-aq 70 mln eýroǵa baǵalanǵan Nılerland ókili Matteıs de Lıgt te («Bavarııa») qymbat qorǵaýshylar tiziminen oryn alǵan.
Jartylaı qorǵaýshylardyń ishinde 23 jastaǵy brazılııalyq Vınısıýs Jýnıordyń («Real» Madrıd) quny sharyqtap tur – 120 mln eýro. Odan keıingi oryndarǵa Anglııa quramasynyń oıynshylary – Djýd Bellıngem («Borýssııa») men Fılıp Foden («Manchester Sıtı», 110 mln eýro), ıspanııalyq Pedrı («Barselona») jáne germanııalyq Djamal Mýsıala («Bavarııa», 100 mln eýro) jaıǵasqan.
Fransııalyq Kılıan Mbappeden 10 mln eýroǵa arzan baǵalanǵan norvegııalyq shabýylshy Erlıng Holand («Manchester Sıtı») 170 mln eýromen álemniń shartty quramasynyń qatarynan tabyldy.