Memleket basshysy Qasym-Jomart Toqaev VIII saılanǵan Parlament Májilisiniń birinshi sessııasynyń ashylýynda sóılegen sózinde kóptiń kókeıinde júrgen birqatar máseleni ashyq aıtty.
Rasynda da, halyq neshe túrli tujyrymdamalarǵa, baǵdarlamalarǵa senip keldi. Jalǵan esepke senýge májbúr boldy. Prezıdent aıtqandaı, halyqtyń turmys sapasy áli kúnge deıin jaqsy emes. Baı men kedeıdiń arasy alshaqtaı tústi. Qýantarlyǵy jáne erteńge degen senimdi nyǵaıta túsetini – osy negizgi máselelerdiń sheshimi aldaǵy bes jylda tabylýǵa tıis.
Sondaı-aq aldaǵy besjyldyq shaǵyn jáne orta bıznesti qoldaýǵa arnalmaq. Týrızm – Túrkistan oblysy ekonomıkasynyń basym salalarynyń biri. Oblys aýmaǵynda 1700-den astam tarıhı jáne mádenı eskertkish bar. Sonyń ishinde IýNESKO-nyń dúnıejúzilik mádenı mura nysandarynyń tizimine engizilgen Qoja Ahmet Iаsaýı kesenesi ornalasqan. Oblystyń tabıǵaty da aıryqsha. Oblysta 225 ornalastyrý oryndary: qonaqúıler, hostelder, demalys aımaqtary, balalar lagerleri jáne 68 sanatorlyq-kýrorttyq uıymdar jumys isteıdi. О́tken jyly jalpy somasy 22,86 mlrd teńgege 19 týrıstik nysan paıdalanýǵa berildi. Osy oraıda Prezıdent bul salaǵa tyń serpin berý úshin, eń aldymen, ınfraqurylym máselesin keshendi túrde sheship, qyzmet sapasyn túbegeıli jaqsartý qajettigin aıtty. «Kásipkerler týrızmniń bolashaǵy zor ekenin kórýi kerek. Sol úshin qajetti jaǵdaıdy jasaǵan jón. Osy salaǵa salynǵan jeke ınvestısııanyń kólemi, ishten jáne syrttan kelgen týrısterdiń sany neǵurlym kóp bolsa, jumystyń nátıjesi de soǵurlym tıimdi bolmaq», dedi Memleket basshysy. Demek Túrkistan óńirinde týrızmdi jandandyra túsýge múmkindik mol bolady.
Prezıdent elimizdiń óndiristik áleýetin arttyrý, azyq-túlik qaýipsizdigin qamtamasyz etý baǵytyn aıqyndady. Aýyl turǵyndaryna 5-7 jylǵa jyldyq ósimi 2,5 paıyz bolatyn shaǵyn nesıe, qural-jabdyq jáne tehnıka satyp alý úshin sýbsıdııa berilmek. Osy maqsatqa 1 trıllıonǵa jýyq teńge bólinedi. Bul jaǵymdy bastamalar halqynyń 80 paıyzy aýyldyq jerlerde turatyn túrkistandyqtardy erekshe qýantyp otyr. Aýyl sharýashylyǵy salasynda uzaq jyldar jumys istegendikten de osyndaı bastamalardyń Prezıdent tarapynan aıtylyp otyrǵany el senimin nyǵaıta túsedi. Iаǵnı aýyldy damytýda jańa ıdeıalar júzege asyrylyp, turǵyndar turmysy jaqsara túseri anyq. «Aýyl – el besigi», «Aýyl amanaty» jobalary da aýyldy damytýǵa arnalǵan jańa tujyrymdamaǵa arqaý bolmaq. Oblys ákimi D.Satybaldy kezdesýlerde aýyl turǵyndaryn turaqty jumyspen qamtıtyn jáne aýylsharýashylyq ónimderin ótkizýge múmkindikti molaıtatyn jobalar qolǵa alynǵanyn aıtqan-dy. Atap aıtqanda, bıyl Shardara aýdanynda «Jylyna 100 myń tonna júgeri dánin tereń óńdeý zaýyty», Tóle bı aýdanynda «Jylyna 220,0 mln jumyrtqa baǵytyndaǵy qus fabrıkasy», Ordabasy aýdanynda «40,0 myń basqa bordaqylaý alańyn salý», Keles aýdanynda «51 gektarǵa jylyjaı keshenin salý», Arys qalasynda «4 500 ga jańbyrlatyp sýarý tehnologııasyn engizý», Túrkistan qalasynda «5200 tonnaǵa jemis-kókónis saqtaý qoımalaryn» salý jobalaryn júzege asyrý jumystary bastaldy. Bul ıgi ister aýyldardyń kórkeıip, el damýyna oń septigin tıgizeri anyq.
Átirhan ShYŃǴYSBAEV,
Tóle bı aýdandyq ardagerler keńesiniń tóraǵasy
Túrkistan oblysy