Malaızııanyń Kýchıng qalasynda uıymdastyrylǵan tennısten 14 jasqa deıingiler arasyndaǵy komandalyq álem chempıonatynyń Azııa-Tynyq muhıt aımaǵy boıynsha irikteý kezeńiniń básekeleri aıaqtaldy.
Qazaqstan tennıs federasııasynyń baspasóz qyzmeti málim etkenindeı, elimizdiń jasóspirimder quramasy toptyq kezeńde sátti óner kórsetip, shırek fınalǵa joldama aldy. Sergeı Kvak shákirtteri toptyq saıystyń alǵashqy eki oıynynda Iordanııa men Sıngapýr quramalaryn jeńgenimen, sońǵy týrda Aýstralııaǵa ese jiberdi – 3:0.
Al irikteý týrnıriniń shırek fınalynda Japonııa tennısshilerimen sheberlik baıqasqan jerlesterimiz bul oıynda da qarsylastaryna jol berip (2:0), Chehııanyń Prosteev qalasynda ótetin álem chempıonatynyń joldamasynan qaǵyldy. Byltyr dál osy jas sanatyndaǵy Qazaqstan quramasy alǵash ret álem chempıonatynyń fınaldyq kezeńinde oınap, tórtinshi orynǵa taban tiregen bolatyn.