ASTANA. 2 shilde. Úkimet basshysynyń orynbasary, Indýstrııa jáne jańa tehnologııalar mınıstri Áset Isekeshev elimizdiń óńdeý ónerkásibi boıynsha Reseı, Ońtústik Koreıa jáne Polsha memleketterinen ozyp ketkenin málimdedi. Bul týraly «QazAqparat» habarlady.
Elimizdegi Údemeli ındýstrıaldy-ınnovasııalyq damý memlekettik baǵdarlamasyna qatysty 2014 jyldyń I jartyjyldyǵynyń nátıjelerin baıandaý barysynda Áset Isekeshev: «Qazaqstan óńdeý ónerkásibi boıynsha aldyńǵy qatarly elderdiń sanatyna kirip, Túrkııadan keıingi orynǵa taban tiredi. Biz osy salada Reseı, Ońtústik Koreıa jáne Polshany basyp ozdyq», – dedi.
Indýstrııa jáne jańa tehnologııalar mınıstriniń aıtýynsha, elimizdegi óńdeýshi ónerkásip salasynda jańa jetekshi sektorlar paıda bolýda.
Á.Isekeshev: «Dástúrli jetekshi sektorlar metallýrgııa men azyq-túlik ónerkásibine bıyl munaı óńdeý men mashına jasaý salasy qosyldy. Bul salalar 4 jyl ishinde óńdeý ónerkásibi salasyn birshama turaqtandyrdy», – dedi.
Joldybaı Bazar.
Derekkóz: «QazAqparat».
Foto: ortcom.kz.