Arab tilindegi «fıtr» sóziniń tildik maǵynasy «jaratylys», «orazada aýyz ashý» degendi bildiredi. Qazaq tilinde «pitir» dep qoldanysqa enip ketken. Bul – ramazan aıyndaǵy orazasyn támamdaý jáne bilip-bilmeı istegen qate-kemshilikterine tólem retinde nemese ár adamnyń jeke basy úshin beriletin sadaqa, dep jazady Egemen.kz islam.kz saıtyna silteme jasap.
Oraza ustaǵan adam keıbir dúnıelik isterge bola kóńilge keletin jaman sózder aıtyp, jaǵymsyz áreketterge baryp basqalardy renjitip qoıýy múmkin. Mundaı ister orazany buzbasa da onyń saýabyn kemitip, oraza ustaýshynyń kóńiline kúdik salady. Pitir sadaqasy osyndaı kúdikten aıyqtyryp, kemshiliginiń ornyn toltyrady.
Pitir sadaqanyń paıdasy
1) Qate-kemshilikterdi tolyqtyrady. Oraza aıynda tilimen, oıymen, kózimen istep qoıǵan qate-kemshilikterdi óshiredi. Osylaısha, orazada jasalǵan keıbir kemshilikterden tazaryp, aqyrette orazanyń tolyq saýabyn alýyna pitir sadaqasy sebep bolady.
2) Orazanyń kabyl bolýyna septigin tıgizedi. Jarır rıýaıat etken bir hadıste Paıǵambarymyz (sallallahý aláıhı ýá sállám):
«Adamnyń orazasy jer men kóktiń arasynda asýly tur. Pitir sadaqa bergennen keıin ol ornyna jetedi», deıdi. Iаǵnı, orazanyń kemshilikteri pitir sadaqasymen tolyqtyrylyp, kemel túrde orazanyń qabyl bolýyna septigin tıgizedi.
3) Kedeılerdi kýantady. Aıt kúni tek jaǵdaıy bar baılar ǵana qýanbaı, kedeı, muqtaj adamdar da qajetterin alyp, mol qýanyshqa keneledi.
Sondyqtan pitir sadaqasyn berý arqyly kedeılerdiń muń-muqtajyn ótep, bul kúnniń shyndyǵynda kýanyshty kún ekendigin sezinedi. Bul janymyz ben tánimizdiń zeketi deýge bolady. Allahtyń adam balasyna syılaǵan sansyz nyǵmetteri men densaýlyǵyna shúkirshilik retinde beriledi. Sondyqtan pitir sadaqasy sábıge de, oraza tutýshyǵa da, oraza tutpaǵanǵa da mindetteldi.
Eske sala keteıik, bıyl pitir sadaqa mólsheri 535 teńge bolyp belgilendi. Pitir sadaqanyń mólsheri elimiz boıynsha 2 keli unnyń ortasha baǵasymen esepteldi. Al unnyń baǵasy QMDB-nyń qala jáne oblys ókildikteriniń bergen málimeti negizinde anyqtaldy. Pitir sadaqasyn qurma, meıiz baǵasymen de berýge bolady.