«Qazgıdromet» RMK sınoptıkteri erteń, 10 sáýirde respýblıkanyń birneshe óńirinde qolaısyz aýa raıy kútiletinin aıtyp, eskertý jasady. Sınoptıkterdiń boljamynsha, keı óńirde naızaǵaı oınap, nóser jańbyr jaýdy, al keı óńirde úsik júredi, dep habarlaıdy Egemen.kz.
Batys Qazaqstan oblysynyń ońtústik-batysynda, batysynda tuman. Túnde oblystyń soltústik-batysynda, soltústiginde topyraq betinde 3 gradýs úsik júredi.
Mańǵystaý oblysynda túnde naızaǵaı oınaıdy. Oblystyń soltústik-batysynda tuman bolady.
Qyzylorda oblysynda da naızaǵaı. Jel soltústik-batystan, soltústikten soǵady, kúndiz oblystyń ońtústiginde kúshi 15-20 m/s-qa jetedi.
Jetisý oblysynyń soltústiginde, shyǵysynda soltústik-shyǵystan jel soǵady, ekpini - 15-20, keı ýaqyttarda 23-28 m/s. Túnde oblystyń ortalyǵynda, taýly aýdandarynda 3 gradýs úsik bolady.
Túrkistan oblysynyń ońtústiginde, taýly jáne taý bókterli aýdandarynda nóser jańbyr jaýady. 9 sáýirde keshke taýly jáne taý bókterli aýdandarda, 10 sáýirde táýlik boıy oblystyń basym bóliginde keı ýaqytta naızaǵaı oınaıdy, taýly jáne taý bókterli aýdandarda burshaq jaýady. Ońtústik-batystan jel soǵady, túnde oblystyń ońtústiginde, batysynda, taýly jáne taý bókterli aýdandarynda, kúndiz oblystyń basym bóliginde 15-20, kúndiz keı ýaqytta ekpini 23-28 m/s-qa jetedi.
Shymkentte kúndiz nóser jańbyr jaýady. 9 sáýirde keshke, 10 sáýirde táýlik boıy keı ýaqytta naızaǵaı oınap, burshaq jaýady. Ońtústik-batystan ekpini 20 metr sekýndtan asatyn jel turady.
Soltústik Qazaqstan oblysynyń ońtústik-batysynda tuman. Ońtústik-batystan, batystan jel soǵady, kúndiz oblystyń basym bóliginde 15-20, al ekpini 23 m/s-qa jetedi. Aýa temperatýrasy kúndiz 9-14 gradýs jyly bolady.