Tennısshilerdiń álemdik reıtıngi qaıta jańartyldy. Álemniń eń úzdik oıynshylarynyń alǵashqy bestiginde aıtarlyqtaı ózgeris joq.
Polshanyń maqtanyshy Iga Shventek WTA reıtınginde kósh bastap tur. Ony belorýssııalyq Arına Sobolenko, amerıkalyq Djessıka Pegýla, týnıstik Ons Jaber jáne fransııalyq Karolın Garsııa ókshelep keledi. Qazaqstannyń birinshi raketkasy Elena Rybakına sol burynǵy segizinshi ornyn saqtap qaldy. Bul – el qurama komandasy músheleri arasyndaǵy eń jaqsy nátıje. Elena Pýtınseva 45-satyǵa jaıǵasty.
ATR reıtınginde negizgi básekelestik Serbııanyń sańlaǵy Novak Djokovıch pen Ispanııanyń asa daryndy oıynshysy Karlos Alkaras arasynda órbidi. Ázirge Djokovıch dara tur. Odan keıingi satylarǵa grekııalyq Stefanos Sısıpas, norvegııalyq Kasper Rýýd jáne reseılik Danııl Medvedev jaıǵasty. Otandastarymyzdyń arasynan eń táýir kórsetkish Aleksandr Býblıkke tıesili. Ol 53-oryndy enshilegen.