Atyraýda bes kún buryn úıinen shyǵyp, belgisiz baǵytta ketken 16 jastaǵy Ásemaı Qazbekovanyń óz-ózine qol jumsaǵany belgili boldy, dep habarlaıdy Egemen.kz.
Jergilikti saıt málimetinshe, 2007 jyly týǵan qyz 6 sáýirde joǵalyp ketken. Ony izdeýge polısııa qyzmetkerleri, qutqarýshylar men eriktiler jumyldyrylǵan. О́kinishke qaraı, izdeý nátıjesiz bolǵan.
10 sáýirde keshke joǵalǵan qyzdyń kópirden sekirip, sýısıd jasaǵany belgili boldy. Bul sýyt habardy izdeý jumystaryna qatysqan erikti Sandýǵash Kýkenova Facebook-paraqshasynda habarlady.
«Beınebaqylaý kamerasyna Ásemaıdyń kópirge shyǵyp bara jatqan sáti túsip qalǵan. Ári qaraı ne bolǵanyn bile almadyq. Jeke turǵyn úıde turǵan kameradan kóremiz be dep oıladyq, alaıda úı ıesi birneshe kún boıy úıinde bolmady. Búgin ol úıine kelgen kezde qyzdyń ákesi kameraǵa túsip qalǵan vıdeony kórdi. О́kinishke qaraı, ol jerde Ásemaıdyń kópirden sekirgen sáti vıdeoǵa túsip qalǵan», dep jazdy ol.