Aýa-raıyna baılanysty Almatynyń taýly aımaqtarynda tas qulaý, qar kóshkini qaýpi saqtalady, dep habarlaıdy Egemen.kz.
Jergilikti TJD málimetinshe, qaýipti aımaqqa kirýdi shekteý úshin blok-beketter qoıylǵan.
«Almaty qalasynyń tótenshe jaǵdaılar departamenti men «Qazseldenqorǵaý» turǵyndarǵa taýǵa shyqpaýǵa keńes beredi, óıtkeni qar kóshkini júrý qaýpi bar», delingen habarlamada.
Vedomstvo ókilderiniń málimdeýinshe, múddeli uıymdar taýly jerlerge halyqtyń kirýin shekteý boıynsha sharalar qabyldaýy qajet.