Jańaózendegi jarylystan zardap shekken 13 adam aýrýhanaǵa tústi. Sonyń ishinde 29 jastaǵy er adam qaıtys boldy, dep habarlaıdy Egemen.kz mangystaumedia.kz saıtyna silteme jasap.
Qalalyq aýrýhananyń baspasóz qyzmeti málimetinshe, eki adam jansaqtaý bóliminde aýyr halde jatyr, biriniń 80 paıyz, ekinshisiniń 50 paıyz denesin kúıik shalǵan. Basqa adamdardyń jaǵdaıy qanaǵattanarlyq.
Oqıǵa ornyna oblys ákimi Nurlan Noǵaev ta barǵan. Úıindini arshý, qutqarý jumystary jalǵasyp jatyr.Aıta keteıik, oqıǵa 17 sáýirde tańǵy saǵat 5 shamasynda (Astana ýaqytymen) Jańaózen qalasyndaǵy 2-shaǵynaýdanda eki kireberisten turatyn 12 páterli 2 qabatty turǵyn úıde bolǵan. Aldyn ala boljam boıynsha gaz jarylǵany habarlandy. Al saldarynan 150 sharshy metr kireberis qıraǵan.