Sınoptıkter 18-20 sáýirge arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» RMK málimetine sáıkes, Qazaqstannyń basym bóliginde atmosferalyq frontaldy ýchaskelerdiń ótýine baılanysty aýa raıynyń turaqsyz sıpaty saqtalady.
18 sáýirde shyǵysta - qalyń qar, 18-19 sáýirde ońtústik-shyǵysta keı ýaqytta qatty jaýyn-shashyn (jańbyr, qar) jaýady.
«18-20 sáýirde soltústik-batys antısıklonnyń áserinen Respýblıkanyń soltústiginde, ortalyǵynda, shyǵysynda aýa temperatýrasy 7-15 gradýs aıazǵa deıin tómendeıdi. Batysta, ońtústik-batysta, ońtústikte, ońtústik-shyǵysta túnde aıaz bolyp, táýliktik temperatýra birtindep kóteriledi», delingen habarlamada.
Barlyq oblysta jel kúsheıip, tuman túsedi. Ońtústikte shańdy daýyl soǵyp, naızaǵaı oınaıdy, soltústikte, soltústik-batysta, ortalyqta, shyǵysta kóktaıǵaq bolyp, qar jaýady.