Senat otyrysynda Bas áskerı prokýrordyń birinshi orynbasary Maqsat Qazıev belgili sportshy, Májilis depýtaty Dáýlet Turlyhanovtyń ulyna qatysty oqıǵaǵa pikir bildirdi, dep habarlaıdy Egemen.kz.
Qazıevtiń aıtýynsha, Turlyhanovtyń uly áskerı qyzmetker bolǵandyqtan bul qylmystyq isti áskerı prokýratýra qadaǵalaǵan. Qazir ol aıaqtalyp, sot qaraýynda jatyr.
«Ol (Turlyhanovtyń uly) merzimdi áskerı qyzmetshi. Ol bul qylmys tirkelgen kezde eńbek demalysynda bolǵan», dedi Bas áskerı prokýrordyń birinshi orynbasary.
Qazıev kishi Turlyhanovtyń kinási sot arqyly dáleldense, qyzmet etken bólimsheniń komandıri de jaýapty bolatynyn qosa aıtty. «Zańda belgilengen tıisti tártip boıynsha komandır de jazasyn alady», dep oıyn aıaqtady spıker.