Memleket basshysy Úkimetke birqatar tapsyrma júktep, jumystaryna tabys tiledi, dep habarlaıdy Egemen.kz Aqordanyń baspasóz qyzmetine silteme jasap.
«Qazir – erekshe tarıhı kezeń. Ǵylym men tehnologııa ǵana emes, qoǵamdyq qatynastar da túbegeıli ózgerip jatyr. Memleketterdiń damý baǵdary jáne basymdyqtary basqasha sıpat aldy. Mundaı kezde batyl ári jyldam áreket jasaý qajet.
Arqany keńge salyp otyrýǵa ýaqyt joq. Júktelgen mindetterdi oryndaý úshin dereý iske kirisý kerek. Tapsyrmalar múltiksiz jáne ýaqtyly oryndalýǵa tıis. Áıtpese, saldary aýyr bolady. Reformalardyń nátıjesin árbir azamat naqty sezinýi qajet.
Aldaǵy jumystyń basty ólshemi – osy! Barshańyzǵa tabys tileımin!», dep oıyn aıaqtady Prezıdent.