Premer-mınıstr Álıhan Smaıylov qazaqstandyqtardy Oraza aıt merekesimen quttyqtady, dep habarlaıdy Egemen.kz.
«Qurmetti qazaqstandyqtar!
Sizderdi musylman balasynyń ulyq merekesi – Oraza aıttyń bastalýymen shyn júrekten quttyqtaımyn!
Oraza aıt meıramynda halqymyz bir-birine ıgi tilekterin arnap, meıirim men qaıyrymdylyqtyń shynaıy úlgisin kórsetedi. Sharapatty aıda saýaby mol, izgilikti isterge atsalysqan adamdar kóptiń qurmetine bólenedi.
Qasıetti Ramazanda otyz kún aýyz bekitip, oraza ustaǵan jurtshylyqtyń nıetteri qabyl bolyp, egemen elimizdiń bereke-birligi arta bersin.
Qasterli merekege oraı Sizderge myqty densaýlyq, otbasylaryńyzǵa amandyq, eńbekterińizge tolaıym tabys tileımin. Aıt qabyl bolsyn!», delingen quttyqtaýda.