Petropavlda 25 sáýirden bastap jylytý maýsymy aıaqtaldy. Qala ákimi Rýslan Ańbaev tıisti qaýlyǵa qol qoıdy, dep habarlaıdy Egemen.kz.
Petropavl qalasy ákimdigi baspasóz qyzmetiniń málimetinshe, búgin jylytý maýsymy resmı aıaqtalǵanymen bul prosess kezeń-kezeńimen júrgizilip, shamamen 10 kúnge sozylady.
Eń birinshi kezekte jylýdan kópqabatty úıler ajyratylady. Balabaqshalar, bilim berý uıymdary men medısınalyq mekemelerge kezek keıin jetedi.
Jylytý maýsymyn aıaqtaý týraly sheshim aýa raıynyń turaqtalýyna baılanysty qabyldanady. Ol úshin ortasha táýliktik temperatýra 3 kún boıy +10 gradýstan tómen bolmaýy tıis.
«Qazgıdromet» RMK-nyń málimetinshe, Petropavlda aldaǵy úsh kúnde aýa temperatýrasy +23 gradýsqa deıin jylynady. Jaýyn-shashyn kútilmeıdi.