Premer-mınıstr Álıhan Smaıylovtyń tóraǵalyǵymen ótken Úkimet otyrysynda Memleket basshysynyń tapsyrmasymen ázirlengen «Qoljetimdi ınternet» ulttyq pılottyq jobasyn iske asyrý josparlary qaraldy, dep habarlaıdy Egemen.kz Úkimettiń baspasóz qyzmetine silteme jasap.
«Memleket basshysynyń tapsyrmasy boıynsha qýatty derekter ortalyqtary men transshekaralyq talshyqty-optıkalyq magıstraldary bar Sıfrlyq habqa aınalýy tıis. Ulttyq jobanyń osy maqsattaryna bıýdjetten 5 jyl ishinde shamamen 560 mlrd teńge bólý josparlanýda», dedi Premer-mınıstr.
Sondaı-aq Úkimet basshysy baılanys operatorlary mindettemeleriniń saqtalýyn eskere otyryp, barlyq jerde baılanys sapasy men Internet jyldamdyǵynyń monıtorıngin kúsheıtý, sondaı-aq qysqa merzimde Ulttyq jobany pysyqtap, ony Prezıdent Ákimshiligine bekitýge usyný qajettigin atap ótti.