Qyzylorda oblysynyń Aral aýdanynda Qyzyl kitapqa engen qyzǵaldaqtar gúldedi, dep habarlaıdy Egemen.kz.
Ekologııa mınıstrligine qarasty Orman sharýashylyǵy jáne janýarlar dúnıesi komıteti usynǵan málimetke sáıkes, Barsakelmes qoryǵynda Borshovtyń qyzǵaldaqtary gúldegen.
Borshov qyzǵaldaqtary – orys botanıgi Ilıa Grıgorevıch Borshovtyń atymen atalǵan Aral óńiriniń endemıkalyq ósimdigi. Qyzǵaldaqtyń bul túri Barsakelmes qoryǵynda kezdesedi, sáýir-mamyr aılarynda gúldeıdi, mamyr-maýsym aılarynda jemis beredi. Jemisi – úsh jasýshaly kóp tuqymdy búrshik.
«Álemde qyzǵaldaqtyń 3 myńnan astam túri bar. Bizdiń elimizde 35 túri ósedi, onyń 18-i Qazaqstannyń Qyzyl kitabyna engen. Borshov qyzǵaldaǵy da erekshe qorǵalatyn ósimdikterdiń tiziminde bar», delingen komıtet taratqan habarlamada.