Otandyq analıtıkter sherıng trendi elimizde belsendi aınalymǵa ıe bolǵanyn, sondaı-aq otandastarymyzdyń qandaı taýarlardy syıǵa jıi beretinin jáne basqalarmen salystyrǵanda qaı qalalardyń turǵyndary zattaryn tegin berýge daıyn ekenin anyqtady.
Koronavırýs pandemııasy kúsheıtken sanaly tutyný trendi qarqyn alyp kele jatyr dep nyq senimmen aıtýǵa bolady. Elimizdegi belsendi marketpleıs sanalatyn OLX servısiniń derekteri boıynsha azamattar «Syıǵa beremin» sanatyndaǵy habarlandyrýlardyń sany artyp keledi. Bul úrdis úshinshi jyl qatarynan saqtalyp otyr.
О́tken jyldyń sáıkes kezeńimen salystyrǵanda, osy sanattaǵy habarlandyrýlar sany 3%-ǵa ósti, al aldyńǵy esepti jyldary ósim sáıkesinshe 5% jáne 10%-dy qurady.
«Elimizdegi mundaı úrdis májbúrli oqshaýlaý kezeńinde erekshe tanymaldylyqqa ıe boldy. Sirá, pandemııa sanaly satyp alýdyń ósýine jáne zattarǵa uqypty qaraýǵa túrtki bolǵan sııaqty. Bıyl turǵyndar eresekter men balalarǵa arnalǵan zattardy, sondaı-aq úı men baqshaǵa arnalǵan turmystyq ydystardy syıǵa tartýǵa daıyn. Bul ekonomıkalyq turaqsyzdyqqa jáne muqtaj jandarǵa barynsha kómek kórsetýge degen umtylysqa baılanysty bolýy múmkin», dep málimdeıdi servıs sarapshylary.
Otandastarymyz keńse taýarlary men elektr quraldarynan bastap jıhaz garnıtýralary men turmystyq tehnıkaǵa deıin tegin berýge daıyn eken.
Sarapshylar qaı qalanyń turǵyndary kóbine zattardy óteýsiz paıdalanýǵa beretinin anyqtap bildi. Sherıng konteksindegi eń sanaly qala – Pavlodar. Bul shahardaǵy habarlandyrýlardyń jalpy sanynyń 3%-yn syılyq retindegi habarlandyrýlar quraıdy.
Elimizdiń ońtústik óńiri úshin beıtanys adamdarǵa sherıng asa tán emes: Qyzylorda, Shymkent jáne Túrkistan qalalarynda «Syıǵa beremin» sanatyndaǵy habarlandyrýlar osy qalalardaǵy barlyq habarlandyrýdyń 1%-ynan aspaıdy. Múmkin, ońtústik aımaqta habarlandyrý qyzmetine júginbesten jaqyn jáne tanys adamdarmen bólisý jáne olarǵa kómektesý ádetke aınalǵan bolar.