Qazaqstan boks federasııasy Halyqaralyq boks federasııasynyń Prezıdenti Ýmar Kremlıovqa resmı shaǵym joldady. Bul jaıynda federasııanyń baspasóz qyzmeti Instagram paraqshasynda jarııalady, dep habarlaıdy Egemen.kz.
Tashkentte ótip jatqan 2023 jylǵy Álem chempıonatynda Sáken Bıbosynov pen úndi boksshysy Dıpak Kýmardyń jekpe-jegi boıynsha tóreshilerdiń shyǵarǵan daýly sheshimine qatysty shaǵym tústi.
«Qazaqstan boks federasııasy Halyqaralyq boks qaýymdastyǵynyń (AIBA) Prezıdenti Ýmar Kremlıovtiń atyna Sáken Bıbosynovtyń jekpe-jegi boıynsha tóreshilerdiń shyǵarǵan daýly sheshimine baılanysty resmı shaǵym joldady. Biz IBA basshylyǵynan jaýap kútemiz. О́kinishke qaraı, qazirgi erejelerge sáıkes narazylyq bildirýge (apellıasııaǵa) ruqsat etilmeıdi. Onyń ornyna sýdıalardyń sheshimin qaıta qaraý prosedýrasy usynylady: eger jekpe-jek 3:2 nemese 2:3 esebimen aıaqtalsa. Basqa jaǵdaılarda sheshimdi qaıta qaraý degen joq», dep habarlady Qazaqstan boks federasııasy.51 kelige deıingi salmaq dárejesinde óner kórsetken jerlesimiz 1/16 fınalda úndistandyq Dıpak Kýmarmen judyryq túıistirip, kútpegen jerden upaı boıynsha jeńilip qaldy. Osylaısha, Sáken Bıbosynov Álem chempıonatyndaǵy ónerin merziminen buryn aıaqtady.