Jer-jahandaǵy boks jankúıerleriniń nazaryn ózine aýdartqan Tashkenttegi álem chempıonaty da óz máresine taıap qaldy. Sársenbi kúnge josparlanǵan álemdik dodanyń shırek fınalynda 104 bylǵary qolǵap sheberi judyryqtasyp, sonyń teń jartysy jartylaı fınalǵa joldama aldy. Olardyń qatarynda Qazaqstan quramasynyń bes boksshysy da bar.
Buǵan deıin jazǵanymyzdaı, Tashkenttegi álem chempıonatynyń shırek fınalynda jeti otandasymyz júldeli oryndar úshin judyryqtasýǵa múmkindik alǵan edi. О́kinishke qaraı, sol jeti boksshymyzdyń ekeýi ¼ fınalda jeńilse, beseýi jeńisti joldaryn ári qaraı jalǵastyrady.
Álem chempıonatynyń onynshy kúnine josparlanǵan shırek fınaldyq jekpe-jekterge toqtalar bolsaq, kúndizgi sessııada jerlesterimizden birinshi bolyp rıngke ulttyq qurama kapıtany Aslanbek Shymbergenov (71 kg) shyqty. Bul synda otandasymyz 22 jastaǵy fransııalyq Makano Traoremen judyryqtasyp, qarsylasynan esh qıyndyqsyz basym tústi. Tipti, Aslanbek qatarynan ekinshi jekpe-jeginde qarsylasyn nokdaýnǵa túsirgenin de aıta keteıik.
Shymbergenovtiń senimdi jeńisinen keıin kóp uzamaı jankúıerler 80 kılo salmaqtaǵy Nurbek Oralbaıdyń jekpe-jegin tamashalady. Bıylǵy álem chempıonatynda qarsylastaryn bir demmen jeńip kele jatqan Nurbek bul joly da ıordanııalyq Hýsseın Eıshaısh Ishaıshty 5:0 esebimen tize búktirip, el qorjynyna ekinshi jartylaı fınaldyń joldamasyn saldy. Bul jekpe-jekte Nurbek Hýsseın Eıshaısh Ishaıshty jeńip qana qoımaı, byltyr Ammandaǵy Azııa chempıonatynda ketken esesin qaıtardy. N.Oralbaı sary qurlyq dodasynyń jartylaı fınalynda Hýsseınnen jeńilip, qola júldeger atansa, ıordanııalyq boksshy óz jerinde Azııa chempıony atanǵan bolatyn.
Al keshki sessııasynyń shymyldyǵyn eń jeńil salmaqtaǵy Sanjar Táshkenbaı ashyp berdi. 2021 jyly jastar arasyndaǵy álem chempıonatynda top jarǵan otandasymyz bıyl eresekter arasyndaǵy jahandyq dodaǵa alǵash ret qatysyp jatsa da, táýir óner kórsetip keledi. Birinshi jekpe-jeginde sharshy alań qojaıyny Shodıer Melıkýzıevti óz jankúıerleriniń kóz aldynda tize búktirse, shırek fınalda byltyrǵy Azııa chempıonatynyń fınalynda jeńgen japonııalyq Kazýma Arotakıdi taǵy da altynsyz qaldyrdy. Tipti, alǵashqy raýndta qarsylasyn bir márte eseńgiretip aldy.
Serbııadaǵy álem chempıonatynda 54 kılo salmaq dárejesinde kúmis júldeger atanǵan Mahmud Sabyrhan men jahan birinshiligine tuńǵysh ret qatysyp jatqan Jambyl boks mektebiniń túlegi Dýlat Bekbaýov (67 kg) ta bəsekeni ári qaraı jalǵastyratyn boldy. Mahmud shırek fınalda ganalyq Muhammed Amadýdyń jolyn kesse, Dýlat meksıkalyq Mıgel Anhel Martınestiń osal tusyn taba bildi.
О́kinishke qaraı, álem chempıonatynyń shırek fınalynda judyryqtasqan Serik Temirjanov (57 kg) pen Qamshybek Qońqabaev (+92 kg) júldege synyq súıem qalǵanda súrindi. Serbııadaǵy álem chempıonatynyń kúmis júldegeri Serik Temirjanov ¼ fınalda kýbalyq Saıdelıý Horteden jeńilse, Qamshybek asa tartysty ótken aıqasta óziniń ejelgi qarsylasy – ózbekstandyq Bahodır Jalolovqa ese jiberdi.
Osylaısha, Tashkenttegi álemdik dodada el namysyn qorǵaǵan 13 boksshynyń beseýi jartylaı fınalǵa shyǵyp, el qorjynyna bes júlde salyp úlgerdi. Al jekelegen quramalarǵa toqtalar bolsaq, ½ fınalǵa eń kóp joldamany О́zbekstan boksshylary jeńip aldy – 9. Kýba men Reseıden – 6 boksshy, Qazaqstan – 5, Grýzııa, Fransııa, Ispanııa, Úndistan – 3, Armenııa, Mońǵolııa, Brazılııa, Ázerbaıjan – 2, Iordanııa, Qyrǵyzstan, Qytaı, Meksıka, Italııa jáne Tájikstannyń bir-bir boksshysy jartylaı fınalda aıqasady.
Jartylaı fınaldyq juptar:
48 kg: Sahıl Alahverdovı (Grýzııa) – Alehandro Klaro (Kýba)
Sanjar Táshkenbaı (Qazaqstan) – Edmond Hýdoıan (Reseı)
51 kg: Dıpak Kýmar (Úndistan) – Belal Bennama (Fransııa)
Hasanboı Dýsmatov (О́zbekstan) – Martın Molına (Ispanııa)
54 kg: Mahmud Sabyrhan (Qazaqstan) – Iosvanı Veıtııa (Kýba)
Dmıtrıı Dvalı (Reseı) – Oıbek Djýraev (О́zbekstan)
57 kg: Saıdel Horta (Kýba) – Muhammed Hassamýdın (Úndistan)
Abdýmalık Halokov (О́zbekstan) – Mýnarbek Seıtbek (Qyrǵyzstan)
60 kg: Erıslandı Alvares (Kýba) – Muhammed Ábý Djadje (Iordanııa)
Vsevolodov Shýmkov (Reseı) – Sofıan Ýmııa (Fransııa)
63,5 kg: Ovanes Bachkov (Armenııa) – Rýslan Abdýllaev (О́zbekstan)
Bahodýr Ýsmonov (Tájikstan) – Baatarsýhıın Chınzorıg (Mońǵolııa)
67 kg: Lasha Gýrýlı (Grýzııa) – Dýlat Bekbaýov (Qazaqstan)
Asadhýdja Mýıdınhýdjaev (О́zbekstan) – Battomorıın Mıshıılt (Mońǵolııa)
71 kg: Nıshant Dev (Úndistan) – Aslanbek Shymbergenov (Qazaqstan)
Saıdjamshıd Djafarov (О́zbekstan) – Vanderson de Olıveıra (Brazılııa)
75 kg: Alohon Abdýllaev (О́zbekstan) – Vanderleı Pereıra (Brazılııa)
Moreno Fendero (Fransııa) – Ionlıs Ernandes (Kýba)
80 kg: Toqtarbek Tańatqan (Qytaı) – Gazımagomed Djalıdov (Ispanııa)
Imam Hataev (Reseı) – Nurbek Oralbaı (Qazaqstan)
86 kg: Loren Alfonso (Ázerbaıjan) – Georgıı Kýshıtashvılı (Grýzııa)
Sharapýtdın Ataev (Reseı) – Rodjelıo Romero (Meksıka)
92 kg: Lazızbek Mýlodjonov (О́zbekstan) – Mýslım Gadjımagomedov (Reseı)
Ázız Abbes Mýhııdın (Italııa) – Narek Manasıan (Armenııa)
+92 kg: Fernando Arzola (Kýba) – Magomed Abdýllaev (Ázerbaıjan)
Bahodır Jalolov (О́zbekstan) – Aıýb Gadfa (Ispanııa)