Jas jaýyngerge arnalǵan joba

Mundaı bastamany Qorǵanys mınıstrligi áskerge barýǵa yntalandyrý úshin oılap tapqan. Buǵan memleket tarapynan qarjy bólinbeıdi. Shyǵyndy ýnıversıtetter óteıdi. Biraq bul jeńildik memlekettik grant bolmaǵandyqtan shákirtaqy berilmeıdi. Sonyń ózinde, tegin oqý úshin 15 myń sarbaz arnaıy irikteýden ótip jatyr.

– Qazir kompıýterlik baǵ­dar­la­mamen irikteý ótip jatyr. Qorytyn­dysy osy arqyly shyǵady. Onyń ústine Qorǵanys mınıstriniń buı­ry­ǵymen jeke arnaıy komıssııa qurylady. Áskerı qyzmettiń nátıjesi boıynsha tegin joǵary bilim berý máselesin osy komıssııasynyń ókilderi sheshedi. Osylaısha, olar eń úzdikterine usynym beredi, – dedi Qorǵanys mınıs­trligi bilim jáne ǵylym depar­tamenti basshysynyń orynbasary Begim Nurmahanov.

Úmitkerlerdi irikteý tórt túrli ádispen júzege asyry­lady. Iаǵnı sar­bazdyń jaýyn­gerlik daıarlyq baǵdar­lamasyn meńgerý deńgeıi, jeke tártibi, jaýyngerlik kezekshiligin at­qarý kezinde mindetterdi tolyq oryndaýy jáne psıhologııalyq jaı-kúıi baǵalanady. Budan ótkender ýnıversıtet pen bi­lim berý baǵdarlamasyn ózi tańdaıdy. Áskerden keıin eki jyl ishinde oqýǵa túsýge múm­kindik bolady.

– Bastamany Qorǵanys mı­nıstrligi byltyrdan bastap qolǵa aldy. 2022 jyly elimizdegi joǵary oqý oryndarymen memorandýmǵa qol qoıylǵan bolatyn. Birinshi kezekte Otan aldyndaǵy áske­rı boryshyn ótegen azamat­tar elimizdiń kez kelgen joǵa­ry oqý ornyna ulttyq biryń­ǵaı testileýsiz, aqyly negiz­degi oqýǵa túse alady. Al sar­bazdardyń ishindegi bir jyl bo­ıyna úzdik nátıje kórsetkenderi tegin oqýǵa túsýge múmkindik alady. Biz turaqty túrde jylyna 3 myńǵa tarta azamatqa tegin oqý múmkindigin beremiz degen oıdamyz. Qazir jobaǵa elimizdegi 70-ten asa joǵary oqý orny qoldaý bildirdi. Sondyqtan bul baǵdarlama júıe­lenip, áli de jalǵasyn taba­dy degen senimdemiz. Bir aıta keterligi, búginde ásker qata­ryna kelýge ynta tanytyp jat­qan, áske­rı qyzmetke degen qyzy­ǵý­shylyǵy týǵan jastar qatary art­qanyn baıqadyq, – dedi Qor­­ǵanys mınıstrligi tárbıe jáne ıdeologııalyq jumystar departamenti bastyǵynyń orynbasary Rýslan Jangýlın.

Sondaı-aq Qorǵanys mı­nıs­trligi Qarjy naryǵyn zert­teý agenttigimen birlese memo­ran­dýmǵa qol qoıyp, sarbaz­dar­ǵa kredıttik demalys berý­di bas­tady. Bul áskerdegi aza­mat­­tardyń tutynýshylyq ne­sıe­­lerdi, shaǵyn qaryzdardy óteý­di 13 aıǵa keıin­ge qaldyrý múm­kindigi. Oǵan ótinish berý úshin bankke sarbazdyń ózi barýy mindetti emes. Tek áskerı bó­limde boryshyn ótep júrgeni týraly senim­hatty jaqyn týys­tarynyń birine berse boldy. Búginde bul ıgilikti elimizdegi 3,5 myń ás­kerı qyzmetshi paıdalanyp úlgergen.