Sınoptıkter 13-15 mamyrda Qazaqstanda aýa raıy qandaı bolatynyn aıtty, dep habarlaıdy Egemen.kz.
«Qazgıdromet» RMK málimetinshe, respýblıkanyń basym bóliginde turaqsyz aýa raıy saqtalady.
«Naızaǵaı oınap, jańbyr jaýady, burshaq kútiledi. 15 mamyrda túnde respýblıkanyń shyǵysynda jaýyn-shashyn (jańbyr, qar) jaýady degen boljam bar. 13 mamyrda soltústikte, 14 mamyrda ońtústik oblystarda qatty jańbyr jaýady», delingen sınoptıkterdiń habarlamasynda.
Respýblıka boıynsha jeldiń kúsheıýi jáne ońtústik oblystarda shańdy daýyl kútiledi.
Jalpy Qazaqstan boıynsha aýa temperatýrasynyń aýytqýy boljanady. Tek 14-15 mamyrda túnde elimizdiń soltústik jartysynda -1-3 gradýs aıaz kútiledi.