Buǵan deıin UQK akademııasynyń kýrsanty ózine qol jumsaǵany týraly aqparat taraǵan edi. Osy oraıda komıtet tóraǵasynyń orynbasary Marat Qalqabaev polısııa oqıǵaǵa qatysty qylmystyq is qozǵap tergeý amaldaryn júrgizip jatqanyn aıtty, dep habarlaıdy Egemen.kz.
Marat Qalqabaev polısııa qyzmetkerleri oqıǵaǵa qatysty tergeý júrgizip jatqanyn eske saldy.
«Sýısıdtiń kez-kelgen faktisi qylmystyq istiń bir bóligi retinde tergeledi. Tergeý nátıjeleri boıynsha tıisti qorytyndy jasap, halyqqa jarııa qylamyz», dep sendirdi komıtet tóraǵasynyń orynbasary.
Onyń aıtýynsha, bul oqıǵa boıynsha UQK ókilderi qyzmettik tergeý júrgizgen.
«Ulttyq qaýipsizdik organdarynda qyzmet etýge nıet bildirgen úmitkerler muqııat tekserýden ótedi, oǵan qosa psıhologııalyq synaqtar da qarastyrylǵan. Akademııada monıtorıng jıi júrgiziledi, bizde arnaıy jáne psıhologııalyq qyzmet, kadrlyq qyzmet bar. Biraq osy qaıǵyly jaǵdaıdan keıin taldaý júrgizilip, tekserý jumystaryna eleýli túzetýler engizildi», dep qosty spıker.