Italııa tas joldarynda ótip jatqan «Djıro d’Italııa» velokópkúndiginiń toǵyzynshy kezeńi óz máresine jetti.
Ternı men Fossombrone qalalaryn jalǵap jatqan 207 shaqyrym joldy birinshi bolyp Irlandııa ókili Ben Hılı (EF Education-EasyPost) júrip ótti. Ol máre syzyǵyn 4 saǵat 44 mınýt 24 sekýndta kesti. Ekinshi jáne úshinshi oryndardy 25 jastaǵy kanadalyq Derek Djı (Israel – Premier Tech) men 24 jastaǵy ıtalııalyq Fılıppo Zana (Jayco AlUla) ıelendi. Al «Astana» sapynan bul kezeńde eń úzdik nátıjeni ıtalııalyq veloshabandoz Sımone Velasko tirkedi. Ol márege 37-shi bolyp jetti.
Al jalpy esepte norvegııalyq Andreas Leknessýnd (Team DSM) jeke-dara kósh bastap tur. Ony brıtanııalyq Geraınt Tomas (Ineos Grenadiers) pen slovenııalyq Prımoj Roglıch (Team Jumbo–Visma) ókshelep keledi. «Astana» klýbynyń birde-bir ókili úzdikter qataryna qosyla almaı júr. Sımone Velasko 27-satyda tur.