Qazaqstannyń kásipqoı fýtbol lıgasy (QKFL) el chempıonatynyń sáýir aıyndaǵy úzdik jattyqtyrýshysy men fýtbolshysynyń esimderin atady.
Aıdyń úzdikterin anyqtaý maqsatynda QKFL ishki birinshiliktegi komandalardyń bapkerleri men kapıtandary arasynda dástúrli saýaldama ótkizdi. Nátıjesinde, «Qyzyljardyń» bas bapkeri Álı Álıev sáýir aıynyń úzdik bapkeri atansa, «Qaırat» oıynshysy Joao Paýlo ótken aıdyń úzdik fýtbolshysy dep tanyldy.
Petropavl komandasy sáýir aıynda tórt match ótkizip, sonyń úsheýinde jeńiske jetken. Bir matchta teń tústi. Sonymen qatar kýbok oıynynyń shırek fınalynda «Jetisý» komandasynan basym boldy. Álıevke 13 áriptesiniń segizi daýys bergen. Al komanda kapıtandary daýys bergen saýaldamada «Qaırattyń» shabýylshysy Joao Paýlo eń kóp daýysqa ıe boldy. Brazılııalyq fýtbolshy sáýir aıynda chempıonat pen kýbogtiń alty oıynynda bes golmen jáne bir nátıjeli paspen kózge tústi.