Amerıkalyq bıotehnologtar ketgýttan jasalǵan klassıkalyq hırýrgııalyq jipterge aqyl qosty. Ǵalymdardyń aıtýynsha, aqyldy jip tigis aınalasyndaǵy qabynýdy erte anyqtaýǵa kómektesedi, dep habarlaıdy Egemen.kz TASS agenttigine silteme jasap.
«Biz tigis aımaǵynda qabyný prosesin anyqtaıtyn arnaıy gıdrogelmen qaptalǵan aqyldy jip jasap shyǵardyq. Onyń quramynda qabynýdy anyqtaıtyn molekýla men emdeýge serpin beretin dárilik zattar bar», dedi Massachýsets tehnologııalyq ınstıtýtynyń dosenti Djovannı Traverso.
Traverso jáne onyń áriptesteri bul jipterdi ishekteri zaqymdalǵan shoshqalarǵa synap kórdi. Tájirıbe sátti aıaqtaldy. Ǵalymdar bul materıaldy jaqyn arada eriktilerge qoldanyp kórýge nıetti.
Bıologııalyq ydyraıtyn ketgýttan jasalǵan hırýrgııalyq jipterdi alǵash ret ejelgi Rım dárigerleri qoldana bastady. Keıinirek olar baǵasy arzanyraq turatyn ártúrli sıntetıkalyq materıaldardan jasalǵan tigis materıaldarymen almastyryldy.