ÝEFA Chempıondar lıgasynyń fınalyna shyqqan alǵashqy komanda belgili boldy. Italııanyń eki myqtysy – «Mılan» men «Inter» arasyndaǵy tartysty ótken básekede «Interdiń» mereıi ústem bolyp, 13 jyldan keıin alǵash ret aıtýly týrnırdiń fınalyna joldama aldy.
«San-Sıro» stadıonyndaǵy qarymta matchtyń taǵdyryn 74-mınýtta Laýtaro Martınestiń jalǵyz goly sheship ketti – 1:0. Eki oıynnyń qorytyndysy boıynsha qaqpasyna birde-bir gol ótkizbeı, qarsylastaryn 3:0 esebimen tize búktirgen «Inter» osylaısha araǵa 13 jyl salyp Chempıondar lıgasynyń fınalyna shyǵyp otyr.
Mılan qalasynyń klýby sońǵy ret atalǵan týrnırdiń fınalynda 2010 jyly oınap, qos qulaqty kýbogke ıe bolǵan edi. Dańqty bapker Joze Moýrınonyń jetekshiligindegi «Inter» sol jylǵy fınalda «Bavarııadan» 2:0 esebimen basym túsken-di.
Keshegi ekinshi jartylaı fınalda «Manchester Sıtı» men «Real» klýbtary kezdesti. Madrıdtegi alǵashqy oıynda 1:1 esebi tirkelgen bolatyn.