Keshe ÝEFA Chempıondar lıgasynyń ekinshi jartylaı fınaldyq matchynyń jaýapty kezdesýi ótip, «Manchester Sıtı» araǵa eki jyl salyp taǵy da fınalǵa shyqty.
Anglııanyń Manchester qalasyndaǵy 55 myńǵa jýyq jankúıerge arnalǵan «Etıhad» stadıonynda alań qojaıyndary Chempıondar lıgasynyń 14 dúrkin jeńimpazy Ispanııanyń «Real» komandasyn qabyldap, qarsylastaryn 4:0 esebimen tize búktirdi. Alań ıeleri sapynan birinshi taımda Bernardý Sılva dýbldiń avtory atansa (23 jáne 37-mınýttarda), ekinshi taımda Eder Mılıtao (76-mınýt) óz qaqpasyna gol soǵyp aldy. Al kezdesýdiń núktesin 91-mınýtta Hýlıan Alvares qoıdy. Madrıdtegi alǵashqy matchta 1:1 esebi tirkelgen bolatyn.
Osylaısha, týrnırdiń byltyrǵy jeńimpazdary bıyl jartylaı fınalda súrinip, óz ataǵyn qorǵaı almady. Sóıtip, 2022/23 jylǵy maýsym fınalynda «Inter» men «Manchester Sıtı» klýbtary kezdesetin boldy. Match 11 maýsym kúni Ystanbulda ótedi.