Áıelder tennısinde janjal týyndaı jazdaıdy. Elena Rybakınanyń tálimgeri Stefan Výkovtyń aıtýynsha, Elena Ostapenko Rımdegi (Italııa) WTA 1000 jartylaı fınalynda jáne odan keıin de bizdiń jerlesimizge til tıgizgen, dep habarlaıdy Egemen.kz.
Stefan Výkovtyń aıtýynsha, Latvııa tennısshisi Rım korttaryndaǵy «Masters» týrnıriniń jartylaı fınalyndaǵy match barysynda qarsylasyna beı ádep sózder aıtqan.
Tabıǵatynan sabyrly Elena Rybakına bul jaǵdaıǵa nazar aýdarmaı, óz oıynyna barynsha den qoıdy. Yńǵaısyz oqıǵa aldymen ekinshi sette, sodan keıin oıynshylardyń qol alysýy kezinde oryn alǵan. Match bizdiń tennısshiniń paıdasyna 6:2, 6:4 esebimen aıaqtaldy. Ekinshi sette oıyn jańbyrǵa baılanysty úzildi.
Osy jekpe-jek aıaqtalǵannan keıin Rybakına joǵarydaǵy sýdıamen qol alysyp, odan Ostapenkonyń orynsyz minez-qulqyna nazar aýdarýdy surady.
Endi Elena Rybakına fınalda Angelına Kalınınamen (Ýkraına) kezdesedi. Tıtýl úshin talasty match 20 mamyrda, Astana ýaqyty boıynsha saǵat 23:00-de bastalady. Tennısshiler buǵan deıin 2022 jyly Charlstondaǵy (AQSh) týrnırde kezdesip, ol kezde Angelına basymdyq tanytqan – 4:6, 6:2, 6:4.