QR Premer-mınıstri Álıhan Smaıylov Doha qalasynda ótip jatqan úshinshi Qatar ekonomıkalyq forýmyna qatysyp jatyr, dep habarlaıdy Egemen.kz Úkimettiń baspasóz qyzmetine silteme jasap.
Bıylǵy is-shara jahandyq ekonomıkalyq ósýdiń jańa múmkindikterine arnaldy. Atap aıtqanda, damýshy naryqtarǵa ınvestısııa salý, jańa energetıkaǵa kóshý, saýda men jumysqa jasandy ıntellektini, blokcheın jáne basqa da tehnologııalardy engizý sııaqty máselelerdi talqylaý josparlanyp otyr.
Forýmǵa shet memleketter men úkimetterdiń, álemdik iri korporasııalardyń basshylary, jahandyq ınvestorlar, sondaı-aq tikeleı ınvestısııalar salasyndaǵy jetekshi sarapshylar men tanymal jýrnalıster qatysyp jatyr.
Is-shara aıasynda Álıhan Smaıylov Qatar Ámiri sheıh Támım bın Hamad Ál Tánımen jáne Premer-mınıstr – Syrtqy ister mınıstri sheıh Muhammed bın Abdýrahman Ál Tánımen kezdesýler ótkizedi. Sonymen qatar iri kompanııalar men qarjy uıymdarynyń basshylarymen kelissózder josparlanǵan.