«Daıyndyq-Agro» JShS dırektory Birjan Sháımerdenov Prezıdentke sharýa qojalyǵynyń qyzmeti jaıly baıandady, dep habarlaıdy Egemen.kz Aqorda baspasóz qyzmetine silteme jasap.
Memleket basshysyna berilgen málimet boıynsha:
Bıyl oblys boıynsha 4,5 mıllıon gektar jerge egin egiledi, onyń ishinde 3,2 mıllıon gektarǵa – dándi, dándi-burshaqty daqyldar, 960 myń gektarǵa – maıly daqyldar, 353 myń gektarǵa – mal azyǵyn, 34,1 myń gektarǵa – kartop, 6,2 myń gektarǵa – basqa da kókónis túrlerin egý josparlanǵan.
Azyq-túlik qaýipsizdigin qamtamasyz etý úshin egistik alqaptaryn ártaraptandyryp, áleýmettik mańyzy bar daqyldardy kóbirek egý máselesine udaıy nazar aýdarylady.
Sońǵy jyldary oblysta qaraqumyq egý 3 ese, kartop, sábiz, oramjapyraq sekildi kókónis alqaby shamamen 1,5-2 ese artqan.