Tennısten «Úlken dýlyǵa» sanatyndaǵy Fransııa ashyq chempıonatynyń kezekti jarys kúninde úsh otandasymyz kortqa shyǵyp, tek Elena Rybakına ǵana kelesi aınalymǵa joldama aldy.
Qazaqstannyń birinshi, álemniń 4-raketkasy Elena Rybakına Rolan Garros týrnıriniń alǵashqy aınalymynda dúnıejúzilik reıtıngte 146-orynda turǵan 16 jastaǵy chehııalyq Brenda Frýhvırtovamen sheberlik baıqasty. Birinshi partııada Brenda jastyǵyna qaramaı, alty geım boıy tájirıbeli qarsylasyna laıyqty qarsylyq kórsetip, Elenany biraz ábigerge saldy. Tipti esep 3:3 bolǵan mezette chehııalyq sportshy breık jasap, esepte alǵa shyǵyp aldy. Biraq otandasymyz qarsylasynyń oıynyna beıimdelip alǵan soń, qamshy saldyrǵan joq – 6:4. B.Frýhvırtova ekinshi partııada da breık jasaǵanymen, E.Rybakına tarazy basyn qaıta teńestirip, matchty kezekti breıkpen túıindedi – 6:2. Elena ekinshi aınalymda taǵy bir chehııalyq tennısshi, álemniń 50-raketkasy Lında Noskovamen sheberlik baıqasady.
О́kinishke qaraı, Aleksandr Býblık 3 saǵat 20 mınýtqa jalǵasqan tartysty oıynda ıtalııalyq Djýlıo Zeppıerıden bes sette – 0:6, 6:4, 6:4, 3:6, 5:7, Tımofeı Skatov álemniń 29-raketkasy bolgarııalyq Grıgor Dımıtrovten úsh sette – 6:0, 6:3, 6:2 esebimen jeńilip qaldy.