Abaı oblysyndaǵy orman órti saldarynan qazap tapqan 5 orman qyzmetkeriniń kim ekeni belgili boldy, dep habarlaıdy Egemen.kz Abaı oblysy polısııa departamentine silteme jasap.
«Abaı oblysyndaǵy orman órtin sóndirýge qatysyp, qaza tapqan 5 orman qyzmetkeriniń jeke basy anyqtaldy. Oblys polıseıleri órt ornynda habar-osharsyz ketken 14 adamnyń máıitin tapty. Qazir órt kezinde qaıtys bolǵan taǵy 9 adamnyń jeke basy naqtylanyp jatyr», delingen habarlamada.
Aqparatta aıtylǵandaı, búginde órt faktisi boıynsha Qylmystyq kodekstiń 292-babynyń 3-bóligi boıynsha sotqa deıingi tergep-tekserý sharasy júrgizilip jatyr.
«Biz qyzmettik mindetin atqarý kezinde qaza tapqan orman qyzmetkerleriniń otbasy men týystaryna qaıǵyryp kóńil aıtamyz», deıdi vedomstvodan.