Fýtboldan ÝEFA Chempıondar lıgasynyń bıylǵy maýsymy óz máresine jetti. Túrkııanyń Ystanbul qalasynda uıymdastyrylǵan fınalda Anglııanyń «Manchester Sıtıi» men Italııanyń «Inter» komandalary kezdesti.
76 myń jankúıerdi syıdyra alatyn Atatúrik atyndaǵy Olımpıada stadıonynda ótken fınaldyq matchta aǵylshyndyq komandanyń baǵy janyp, óz tarıhynda tuńǵysh ret Chempıondar lıgasynyń qos qulaqty kýbogin jeńip aldy. Oıyndaǵy jalǵyz ári jeńis golyn matchtyń 68-mınýtynda «Manchester Sıtıdiń» ıspanııalyq jartylaı qorǵaýshysy Rodrı saldy.
Osylaısha, «Manchester Sıtı» óziniń 32-trofeıin enshiledi. Olar toǵyz márte Aǵylshyn Premer-lıgasynda, jeti ret Anglııa kýboginde, segiz márte Lıga kýboginde, alty ret Anglııa sýperkýboginde, bir ret kýbok ıegerleriniń kýboginde top jarǵan. Sonymen qatar Pep Gvardıola shákirtteri bıylǵy maýsymda APL jáne Anglııa kýboginde de jeńimpaz atanyp, trebl jasady.