El tennısiniń bolashaǵy sanalǵan Zańǵar Nurlanuly Erevanda ótken 18 jasqa deıingiler arasyndaǵy «ITF Juniors J30 Tsaghadzor Golds’S Gym Cup 1» týrnıriniń absolıýtti chempıony atandy.
15 jastaǵy otandasymyz atalǵan jarystyń jekeleı jáne juptyq synynda tamasha óner kórsetti. Jekeleı saıystyń fınalynda Zańǵar osy jarystyń birinshi raketkashysy, chehııalyq Iаkýb Smychekpen sheberlik baıqasyp, eki setke jalǵasqan matchta qarsylasyn 7:5, 6:1 esebimen tize búktirdi.
Zańǵar doda barysynda Aýstrııa jasóspirimder quramasy kóshbasshylarynyń biri Maksımılıan Heıdelmaıermen asa tartysty kezdesý ótkizip, úsh setke sozylǵan matchta jerlesimizdiń mereıi ústem bolǵanyn aıta ketken jón. Z.Nurlanuly Erevandaǵy týrnırdiń juptyq básekesinde dál sol aýstrııalyq M.Heıdelmaıermen birge jup qurap, fınalda reseılik tennısshiler – Maksım Kolobov pen Rodıon Malmygındi úsh sette jeńdi – 6:7, 6:4, 10:6.
Bul – Zańǵar Nurlanulynyń Halyqaralyq tennıs federasııasy ótkizgen jarysta jekeleı syndaǵy ekinshi tıtýly.