Almatydaǵy Balýan Sholaq atyndaǵy sport jáne mádenıet saraıynda uıymdastyrylǵan shahmattan Azııa chempıonaty aıaqtaldy. Sary qurlyqtyń shahmat koroli ataǵy ózbek grossmeısteri Shamsıddın Vohıdovqa (FIDE reıtıngi 2583) buıyrdy.
Toǵyz kezeńge jalǵasqan básekede ózbekstandyq shahmatshy 7 upaı jınap, bas júldege ıe boldy. Kúmis medal 6,5 upaı jınaǵan Iran grossmeısteri Bardııa Daneshvarǵa (FIDE reıtıngi 2555), qola júlde 9 týrda 6,5 upaıǵa qol jetkizgen otandasymyz Álisher Súleımenovke (FIDE reıtıngi 2463) buıyrdy.
Shahmattan bıylǵy Azııa chempıonaty 3-11 maýsym kúnderi ótkizildi. Oǵan Azııanyń 18 elinen eń myqty degen shahmatshylar qatysyp, jarys kórigin qyzdyrdy. Birinshiliktiń jalpy júlde qory – 100 000 AQSh dollar.