Argentınada jalaýy jelbiregen 20 jasqa deıingi fýtbolshylar arasyndaǵy álem chempıonatynda Ýrýgvaı quramasynyń jas fýtbolshylary jeńiske jetti.
Argentınanyń La-Plata qalasynda ornalasqan Maradona atyndaǵy stadıonda ótken fınaldyq básekede Ýrýgvaı jastary Italııa fýtbolshylarymen kezdesip, 1:0 esebimen jeńiske jetti. Ońtústikamerıkalyq quramaǵa jeńis syılaǵan jalǵyz goldy oıynnyń 86-mınýtynda Lýsıano Rodrıges soqty. Osylaısha, Ýrýgvaı óz tarıhynda alǵash ret jastar arasyndaǵy álem chempıonatynda top jardy. Munyń aldynda olar eki ret (1997 jáne 2013 jyldary) kúmis, bir márte (1979) qola júldeger atanǵan bolatyn.
Al úshinshi oryn úshin ótken básekede Izraıl quramasynyń mereıi ústem boldy. Olar qola júlde úshin bolǵan matchta Ońtústik Koreıa jastaryn 3:1 esebimen tize búktirdi.