Shahmattyń rapıd jáne blıs túrlerinen Grýzııanyń Batýmı qalasynda uıymdastyrylǵan kadetter men jastar arasyndaǵy álem chempıonatynda jerlesterimiz úzdikter qatarynan kórindi.
Álemniń 35 elinen kelgen 8-18 jas aralyǵyndaǵy 450-den astam shahmatshy baq synaǵan jarysta jerlesterimiz eki altyn jáne tórt kúmis medal jeńip aldy. Shveısarııalyq júıe boıynsha ótken jas oıynshylar arasyndaǵy rapıd saıysynda Alanna Berikqyzy (10 jasqa deıin), Aıarý Altynbek (U-12) pen Zarına Nurǵalıeva (U-14) óz jas sanatynda 2-orynnan kórinse, blıs shahmatta 8 jastaǵy otandasymyz Iman Nəbıev te kúmis medaldy moınyna taqty.
Al Aıarý Altynbek (U-12) pen Zarına Nurǵalıeva (U-14) jyldam shahmatta qarsylas shaq keltirmeı, álem chempıonatynyń jeńimpazy atandy. Jýyrda ǵana klassıkalyq shahmattan 9 jasqa deıingi oıynshylar arasyndaǵy əlem chempıonatynda úzdik shyqqan Alanna Berikqyzy bul synda úzdik bestiktiń qatarynan kórindi. Álem chempıonatyn uıymdastyrýshylar barlyq jas sanatynda úzdik nətıje kórsetken 3 shahmatshyǵa emes, 5 oıynshyǵa júlde tapsyrdy.