Kásipqoı bokstaǵy elimizdiń dańqty boksshysy Gennadıı Golovkın (42-2-1, 37 KO) búkil altyn belbeýinen aıyryldy. Osyǵan deıin IBO chempıondyq beldigin ıelenip otyrǵan otandasymyz bul tıtýldan da bas tartty. Bul týraly Halyqaralyq boks uıymy (IBO) málimdedi.
Uıym prezıdenti Ed Levın BAQ ókilderine bergen suhbatynda: «Úlken maqtanyshpen jáne ókinishpen orta salmaqtaǵy álem chempıony Gennadıı Golovkınniń resmı túrde IBO chempıondyq ataǵynan bas tartqanyn habarlaýǵa májbúrmiz. Qazir orta salmaqtaǵy bul ataq bos tur», dedi.
Gennadıı Golovkın – Halyqaralyq boks uıymynyń (IBO) tarıhynda IBO chempıondyq tıtýlyn uzaq ýaqyt qorǵap, 12 jyl boıy ózinde saqtaǵan sanaýly boksshynyń biri. Ol bul ataqty eń alǵash 2011 jyldyń 9 jeltoqsanynda jeńip alǵan bolatyn. Otandasymyz sol jyly amerıkalyq Lahýan Saımondy birinshi raýndta nokaýtpen tize búktirgen edi.
Bul – 41 jastaǵy otandasymyzdyń osy kúnge deıin qorǵap kelgen eń sońǵy chempıondyq belbeýi bolatyn. Munyń aldynda jerlesimiz WBA Super jáne IBF tıtýldarynan da bas tartqan edi.