Elimizdiń úshinshi, álemniń 256-raketkashysy Beıbit Juqaev Palmes del Mar (Pýerto-Rıko) qalasynda ótip jatqan «Chellendjer» týrnıriniń shırek fınalyna joldama aldy.
Jerlesimiz jarystyń ekinshi aınalymynda álemniń 340-raketkashysy amerıkalyq Evan Chjýmen sheberlik baıqasyp, qarsylasyn úsh setke jalǵasqan matchta jarys jolynan yǵystyrdy. Birinshi partııada amerıkalyq tennısshi bir breık jasap, esepte alǵa shyǵyp aldy – 6:4. Biraq ekinshi sette Juqaev eńse tiktep, tarazy basyn teńestirdi – 7:5. Al sheshýshi, úshinshi sette otandasymyz eki breık jasap, 6:2 esebimen matchty óz paıdasyna aıaqtady.
Beıbit Juqaev týrnırdiń jartylaı fınalyna shyǵý úshin dúnıejúzilik reıtıngte 617-satyda turǵan kanadalyq Lıam Drakslmen kezdesedi.