Pavlodar qalasy ákiminiń orynbasary A.S. Qalııaqbarov kásipkerden para aldy degen kúdikke ilinip, qamaýǵa alyndy, dep habarlaıdy Egemen.kz ANTIKOR-dyń baspasóz qyzmetine silteme jasap.
«Ol joldardy jóndeý boıynsha memlekettik satyp alý shartyna sáıkes oryndalǵan jumystardyń aktilerine kedergisiz qol qoıǵany úshin kásipkerden para aldy degen kúdikke ilindi.
Aqshany alǵannan keıin A.S. Qalııaqbarov qylmys ústinde ustalyp, Pavlodar qalasy Polısııa basqarmasynyń ýaqytsha ustaý ızolıatoryna qamaldy», dep habarlady vedomstvo ókilderi.
QR QPK 201-babyna sáıkes tergeý múddesi úshin ózge aqparat jarııa etýge jatpaıdy.
Sondaı-aq ANTIKOR ókilderi Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz bolyp esepteletinin eske saldy.