Kezdesý barysynda Memleket basshysy Qazaqstandaǵy Pravoslav shirkeýiniń memleket pen konfessııa arasyndaǵy qarym-qatynasty nyǵaıtýǵa, sondaı-aq rýhanı qundylyqtar men dinaralyq dıalogty ilgeriletýge eleýli úles qosyp kele jatqanyn atap ótti, dep habarlaıdy Egemen.kz Aqordanyń baspasóz qyzmetine silteme jasap.
Prezıdent ortaq kúsh-jigerdiń nátıjesinde elimizde kóptegen etnos ókilderi men túrli dindi ustanatyn halyqtar ózara tatý ómir súrip jatqanyna nazar aýdardy.
Bul rette Qasym-Jomart Toqaev Qazaqstandaǵy Pravoslav shirkeýiniń dinı qyzmetin qoldaý máselesinde konstrýktıvti qarym-qatynasty saqtaý mańyzdy ekenin atap ótip, áleýmettik jáne aǵartýshylyq baǵdarlamalardy damytý qajet ekenin aıtty.
О́z kezeginde mıtropolıt Aleksandr Qazaqstannyń kórkeıtý jolynda beıbitshilik pen birlikti nyǵaıtý isin qoldaıtynyn jetkizdi jáne Prezıdentke alǵash ret qazaq tilinde jaryq kórgen duǵa kitabyn tabys etti.