Halyqaralyq konkıshiler odaǵy (ISU) mánerlep syrǵanaýdan 2023/2024 jyldary ótetin Gran-prı jarystarynyń tolyq tizimin jarııa etti.
Aldaǵy maýsymdaǵy básekeler AQSh, Kanada, Fransııa, Qytaı, Fınlıandııa jáne Japonııada uıymdastyrylady. «Skate America» dep atalatyn tusaýkeser týrnırdi 20-22 qazan aralyǵynda Amerıkanyń Tehas shtatynyń Allen qalasy qabyldaıdy. Arada bes kún ótkennen soń álemniń eń úzdik mánerlep syrǵanaýshylary Úıeńki japyraqtar eliniń Vankýver shaharynda shymyldyǵy túriletin «Skate Canada» dodasynda bas qosady. Qarasha aıynda bizdi tórt birdeı dúbirli doda kútip tur. Olar – «Grand Prix de France» (Anje, Fransııa), «Cup of China» (Chýnsın, Qytaı) jáne «Grand Prix Espoo» (Espoo, Fınlıandııa) jáne «NHK Trophy» (Osaka, Japonııa).
Al fınaldyq saıystyń jalaýy 7-10 jeltoqsan aralyǵynda Beıjińde jelbireıdi.