Búgingi Májilis otyrysy barysynda Joǵary esep palatasynyń basshysy Natalıa Godýnova jylýmen jabdyqtaý salasyndaǵy menedjmenttiń tıimdiligin tekserý maqsatynda júrgizilgen memlekettik aýdıttiń qorytyndysyn shyǵardy. Tekseris barysynda 23 mlrd teńge kóleminde qarjylaı buzýshylyq anyqtaldy, dep habarlaıdy Egemen.kz.
Memlekettik aýdıt 47 memlekettik mekeme men 44 tabıǵı monopolııa sýbektisinde júrgizildi. Dálirek aıtqanda 140 mıllıard teńgeden astam bıýdjet qarajaty men 480 mıllıard teńge aktıvtiń ıgerilý tıimdiligi saralandy.
Natalıa Godýnovanyń aıtýynsha, aýdıt nátıjesinde 23 mlrd teńge kóleminde qarjylaı buzýshylyqtar, 37 mlrd teńge kóleminde bıýdjet qarajatyn tıimsiz josparlaý, 117 mlrd teńge kóleminde ekonomıkalyq shyǵyn men joǵalǵan paıda anyqtaldy.
Aıta ketsek, 2020-2022 jyldar aralyǵynda Qazaqstanda jylýmen jabdyqtaý obektileriniń qurylysyna jáne jóndeý jumystaryna 250 mıllıard teńge, onyń ishinde respýblıkalyq bıýdjetten 84 mıllıard teńge bólingen
«Búginde jylýmen jabdyqtaý obektileri tozyp ketkenin baıqap otyrmyz. JEO jabdyqtary respýblıka boıynsha orta eseppen 66%-ǵa tozǵan. Jylý jelileriniń tozýy 54%-dy qurap otyr. JEO jalpy sanynan 76%-ynyń paıdalaný merzimi 50 jyldan asqan. 24%-ynyń paıdalaný merzimi 30 jyldan asqan. JEO-nyń ortasha qyzmet etý merzimi – 61 jyl», dedi Natalıa Godýnova.