Qart qurlyqta eki birdeı asa iri halyqaralyq týrnırdiń tusaýy kesildi. Sol jarystarda elimizdiń tennısshileri de óz baqtaryn synap jatyr.
Germanııanyń astanasynda júlde qory 678 814 eýrony quraǵan dúbirli dodanyń alǵashqy aınalymynda álemniń úshinshi raketkasy Elena Rybakına reseılik Polına Kýdermetovamen kúsh synasty. 20 jastaǵy Polına úzdikter reıtınginde 139-orynda tur. Berlınde jańbyrdyń tolassyz jaýǵanynyń saldarynan bul báseke birese toqtap, birese qaıta jalǵasty. Aqyry 4 saǵat 18 mınýtqa sozylǵan tartys 6:4, 6:2 esebimen jerlesimizdiń paıdasyna sheshildi. Keshe keshkisin Rybakına horvatııalyq Donna Vekıchpen ekinshi kezeńde sheberlik baıqasty.