Elordanyń 25 jyldyǵyna oraı Astana qalasynyń Jastar saıasaty máseleleri basqarmasy jas aqyndar men jazýshylardy qoldaý maqsatynda «Úzdik jas qalamger» baıqaýyn jarııalady, dep habarlaıdy Egemen.kz qala ákimdiginiń resmı saıtyna silteme jasap.
Baıqaýdyń maqsaty – jas aqyndar men jazýshylarǵa shyǵarmashylyq damýy úshin jaǵdaı jasaý jáne jastardyń oń bastamalaryna qoldaý kórsetý, týǵan elge degen yqylas pen mahabbatty arttyrý, qazaq halqynyń dástúrlerin jan-jaqty zerdeleý arqyly jastardyń aqyndyq sheberligin shyńdaý, ulttyq mádenıet arqyly otansúıgishtik sezimdi damytý, qazaq tiliniń rólin kóterý, daryndy jas aqyndar men jazýshylardy anyqtaý jáne olarǵa sheberligin shyńdaýǵa múmkindik berý.
Baıqaýǵa qatysý úshin mynadaı qujattar usynylady:
* konkýrsqa qatysý týraly ótinim;* jas aqyndar men jazýshylardyń shyǵarmalary:
Baıqaýǵa 14-35 jas aralyǵyndaǵy elordalyq jas aqyndar men jazýshylar qatysa alady.
Baıqaý aıasynda úzdik shyǵarmalar jınaý kózdelgen.
Ár júldeli 25 qatysýshyǵa – 500 000 tenge qarjylaı syılyq qarastyrylǵan.
Úzdik jas qalamgerler baıqaýyna jas aqyndar men jazýshylar óz shaǵarmashylyq týyndylaryn 2023 jyldyń 5 shildesine deıin ujq_2023@mail.ru elektrondy poshtasyna jiberý qajet.
Joba sońynda qorytyndy marapattaý rásimi ótedi.
Konkýrs jóninde tolyq aqparatty 8-701-830-65-30 («Astana qalasynyń Jastar saıasaty máseleleri basqarmasy» MM) telefon nómiri arqyly alýǵa bolady. Mekenjaıy: Astana qalasy, Saryarqa dańǵyly, 13.