Kólsaı ormanyna jedel jetken órt sóndirýshiler ormannyń tómengi bóligi byqsyp janyp jatqanyn anyqtady. TJ mınıstrligi málimetinshe, órttiń aldyn ala sebebi - naızaǵaıdyń túsýi, dep habarlaıdy Egemen.kz.
О́rtti sóndirýge barlyǵy TJ departamentinen, «Kólsaı kólderi» memlekettik ulttyq tabıǵı parkinen, orman sharaýshylyǵynan, «Jalańash» shekara bóliminen, JAO órt sóndirý beketterinen, Kegen aýdanynyń ákimdiginen, aýdandyq polısııa bóliminen, medısınalyq qyzmetten, veterınarlyq bólimnen 128 adam, 23 birlik tehnıka jumyldyryldy.
Tótenshe jaǵdaılar mınıstrligi aqparatyna sáıkes jumyldyrylǵan kúshter men quraldardyń arqasynda Kólsaı kólderinde oryn alǵan órt 0,08 ga alańda saǵat 07.53-te oqshaýlanyp, saǵat 11.45-te jedel túrde sóndirildi.
Oqıǵa ornynda qaraýyldaý úshin orman sharýashylyǵynyń 11 qyzmetkeri qaldy.
О́rtti sóndirý jumystary aspaly orman búrikkishteriniń kómegimen júrgizildi. Sonymen qatar órttiń jıegi topyraqpen jabyldy.