Halyqaralyq Olımpıada komıteti (HOK) Halyqaralyq boks qaýymdastyǵyn (IBA) moıyndaýdan bas tartyp, boks básekelerin uıymdastyrýǵa shekteý qoıdy.
22 maýsym kúni Shveısarııada ótken Halyqaralyq Olımpıada komıtetiniń kezekten tys sessııasynda IBA-ny HOK quramynda qaldyrý nemese qaldyrmaý máselesi qaraldy. Daýys berý nátıjesi boıynsha uıymnyń 69 múshesi IBA-ny moıyndaýdan bas tartyp, qarsy daýys berse, bireýi IBA-ny HOK quramynda qaldyrý kerek degen ustanymyn bildirgen. Qalǵan 10 saılaýshy qalys qaldy.
Osylaısha, HOK IBA-ny 2024 jylǵy Parıj jáne 2028 jyly Los-Andjeleste ótetin jazǵy Olımpııa oıyndaryna boks týrnırlerin uıymdastyrý quqyǵynan aıyrdy. Halyqaralyq boks qaýymdastyǵynyń mindetin ázirge HOK atqarady.