Qazaqstandyq aýyr atlet, úsh túrli salmaq dárejesinde tórt dúrkin álem chempıony Ilıa Ilın aýyr atlet Vladımır Sedovtyń ólimine qatysty áleýmettik jelidegi paraqshasynda pikir bildirip, artynda qalǵan otbasyna kóńil aıtty, dep habarlaıdy Egemen.kz.
«О́zimniń jáne otbasymnyń atynan Volodıanyń otbasyna, týystary men jaqyndarynyń qaıǵylaryna ortaqtasyp kóńil aıtamyn. 2014 jyly Volodıa meniń komandamda álem chempıonatynda óner kórsetip, kúmis medal jeńip aldy. Sol jeńisiniń arqasynda Qazaqstan Respýblıkasynyń eńbek sińirgen jattyqtyrýshysy ataǵyn aldym. Bul úshin men oǵan árqashan alǵysymdy bildiremin. О́kinishke qaraı, sońǵy jyldary jolymyz ekige bólinip ketti, biraq men ony sportshy retinde de, myqty tulǵa retinde de qurmet tutamyn.
Volodıa joǵary deńgeıdegi kásipqoı sportshy, aqyldy, talantty edi, bapker retinde kóptegen ziltemirshiler men chempıondardy tárbıeleýi múmkin edi, biraq taǵdyry basqasha boldy. Orny tolmas qaza oryn aldy», dep jazdy Ilıa Ilın.